पाँचथर जिल्लाका दुई छुट्टाछुट्टै स्थानमा डढेलो लाग्दा ठूलो क्षति भएको छ भने एक जनाको मृत्यु भएको छ।
कुम्मायक गाँउपालिका–३ ताम्राखु भन्ने ठाँउको जंगलमा लागेको आगोमा परि घाईते भएकि २२ बर्षिय प्रतिमा सम्बाहाफेको मृत्यु भएको छ । त्यस्तै फिदिम नगरपालिका–१३ जौवारीस्थित रानीवन सामुदायिक वन र कुम्मायक गाउँपालिका–१ सिम्लेमा आगोलागि भएको हो। भने करिब ३९ लाख ५० हजार रुपैयाँ बराबरको धनमाल जलेर नष्ट भएको जिल्ला प्रहरी कार्यालय पाँचथरका सूचना अधिकारी बिनय शाहले जानकारी दिएका छन्।
चैत २१ गते दिउँसो करिब १२ बजे फिदिम–१३ जौवारीस्थित रानीवन सामुदायिक वनमा लागेको डढेलो आसपासका खरबारीमा फैलिएको थियो। आगलागीका कारण सोही स्थानका किताबसिंह राई, शेर बहादुर राई, शुक बहादुर राई, पदम बहादुर राई, इन्द्रजित राई, मन कुमार राई, शुभराम राई, ठग बहादुर राई तथा फिदिम–१४ का डम्बर बहादुर राई, हर्क राई र भक्त बहादुर राईको खरबारीसमेत जलेको छ।
सोही क्रममा मदन राईकी श्रीमती ४७ वर्षीया उषा नेम्वाङ राई वनबाट दाउरा बोकेर घर फर्किने क्रममा लड्दा आगोमा परी गम्भीर घाइते भएकी छन्। उनको शरीरका विभिन्न भाग जलेको हुँदा तत्काल जिल्ला अस्पताल पाँचथर पठाइएको छ।
घटनाको खबर प्राप्त हुनासाथ १४:१० बजे जिल्ला प्रहरी कार्यालय पाँचथरमा जानकारी पुगेको थियो। तत्पश्चात अस्थायी प्रहरी चौकी रानीटारबाट प्रहरी नायब निरीक्षक राजकुमार मेहताको नेतृत्वमा चारजनाको टोली खटिएको थियो। स्थानीयवासीको सहयोगमा करिब २५–३० जनाको संख्यामा आगो निभाउने कार्य भइरहेको छ। हालसम्म आगो बस्तीमा फैलिने सम्भावना नरहेको प्रहरीको भनाइ छ।
निजी वनमा आगलागी, सात घरधनीको ठूलो धनमाल जलेर नष्ट
त्यसैदिन दिउँसो करिब १३:०० बजे कुम्मायक गाउँपालिका–१ सिम्लेमा दल बहादुर थापा, डम्बर बहादुर थापा लगायतका केही व्यक्तिको निजी पाखाबारीमा आगलागी भएको खबर इलाका प्रहरी कार्यालय यासोक पाँचथरमा १३:१० बजे प्राप्त भएको थियो।
सूचना प्राप्त हुनासाथ तत्काल प्रहरी सुरेन्द्र मण्डको नेतृत्वमा दुईजनाको प्रहरी टोली खटिएको थियो। स्थानीयवासीहरूको सहयोगमा करिब २०–२५ जनाको संख्यामा आगो निभाउने प्रयास जारी रहँदा आगो गाउँतर्फ फैलिँदै गयो। स्थिति गम्भीर बनेपछि प्रहरी नायब निरीक्षक मदन कुमार मैनालीको नेतृत्वमा आठजनाको थप प्रहरी टोली पठाइएको थियो।
आगलागीका कारण कुम्मायक गाउँपालिका–१ खाल्टे कार्की गाउँका निम्न व्यक्तिहरूको घर, गोठ, भान्सा घर, कुखुरा फार्म, मौरी पाल्ने घार, टनेल खेती लगायतका संरचनाहरू पूर्ण रूपमा जलेर नष्ट भएका छन्:
-
दिर्घबहादुर खत्री (६१ वर्ष) – बाँसको खम्बा र टिनको छानो भएको एकतले घर, लत्ताकपडा, अन्नपात, भाडावर्तन र तीनवटा बाख्रा जलेर नष्ट। क्षति अनुमानित रु. ३ लाख।
-
देवेन्द्र राई (६५ वर्ष) – ढुङ्गा–माटोले बनेको फुसको छानो भएको एकतले ग्वाली घर पूर्ण रूपमा जलेर नष्ट। क्षति अनुमानित रु. १ लाख ५० हजार।
-
याम कुमार चाम्लिङ (५२ वर्ष) – ढुङ्गा–माटोले बनेको दुईतले भान्सा घर, ६ वटा गाईगोठ, शौचालय पूर्ण रूपमा जलेर नष्ट। क्षति अनुमानित रु. १७ लाख।
-
बिष्णु राई – काठको बेरा र टिनको छानो भएको एकतले बोईलर कुखुरा फार्म, १०० वटा कुखुरा, पानी ट्यांकी जलेर नष्ट। क्षति अनुमानित रु. २ लाख ५० हजार।
-
पहलमान कार्की (५६ वर्ष) – ढुङ्गा–माटोले बनेको एकतले मिलघर, मिलको सामग्री, २०० लिटर डिजेल, काठपात जलेर नष्ट। क्षति अनुमानित रु. ५ लाख।
-
खगेन्द्र कार्की (५५ वर्ष) – ढुङ्गा–माटोले बनेको दुईवटा भान्सा घर, १० वटा मौरीघार पूर्ण रूपमा जलेर नष्ट। क्षति अनुमानित रु. ७ लाख।
-
डिकबहादुर कार्की (८५ वर्ष) – ढुङ्गा–माटोले बनेको दुईवटा ग्वाली घर पूर्ण रूपमा जलेर नष्ट। क्षति अनुमानित रु. ३ लाख ५० हजार।
डढेलोका कारण जम्मा ३९ लाख ५० हजार रुपैयाँ बराबरको धनमाल जलेर नष्ट भएको प्रारम्भिक अनुमान गरिएको छ। आगलागीमा तीनवटा बाख्रा, १०० वटा कुखुरा पनि जलेर मरेका छन्।
हालसम्म मानविय क्षति नभएको प्रहरीको प्रारम्भिक जानकारी छ। प्रभावित परिवारहरू छिमेकीको घरमा आश्रय लिन बाध्य भएका छन्। आगलागीको थप अनुसन्धान भइरहेको जिल्ला प्रहरी कार्यालय पाँचथरले जनाएको छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
